१७ फागुन, काठमाडौँ । नेपाल विधुत प्राधिकरणका प्रबन्ध निर्देशक कुलमान घिसिङले लोडसेडिङ घट्नुको रहस्य खोल्नु भएको छ । गोगो फाउण्डेसन अवार्ड २०१६ प्राप्त गरेपछि मन्तव्य दिँदै उहाँले आफ्नो कामको सफलताको रहस्य सार्वजनिक गर्नुभएको हो । नेपाल सरकारका मुख्यसचिव डा सोमलाल सुवेदीकासामू उहाँले प्रधानमन्त्री र उर्जामन्त्रीको मुख्य सहयोगका कारण आफ्नो अभियान सफल भएको बताउनुभयो । प्रबन्ध निर्देशक घिसिङले प्राधिकरणको नेतृत्वले इतिहासमै पहिलोपटक सरकारको तर्फतबाट उच्चस्तरको सहयोग प्राप्त गरेका बताउनुभयो । सम्पूर्ण कर्मचारी र आम उपभोक्ताको सहयोगका कारण काठमाडौँ लगायत देशका मुख्य सहरहरुमा लोडसेडिङ घटेको बताउनुभयो । सम्मानहरुले आफूलाई चुनौति थप्ने भन्दै उहाँले उज्यालो नेपाल अभियान सार्थक बनाउने घोषणा गर्नुभयो ।
कुलमानले दिएको मन्तव्य यहाँ हेर्न र सुन्न सक्नुहुन्छ ।
प्रकाशित मिति: सोमबार, फागुन १६, २०७३
