वासिङ्टन । अमेरिकी राष्ट्रपति डोनाल्ड ट्रम्पले आफू सबै प्रकारका जातिवादको विरोधी भएको बताएका छन् । भर्जिनियास्थित चारलोटीभिल्लामा नव–नाजीहरूको हिंसात्मक प्रदर्शन भएको ठीक एक बर्षपछि अमेरिकी राष्ट्रपतिको यस्तो अभिव्यक्ति आएको हो ।
उनले ट्वीट गर्दै भनेका छन्, ‘चारलोटीभिल्लाको हुलदङ्गामा एक बर्ष पहिले अनाहकमा मृत्युको शिकार हुनु परेको घटनाले अमेरिकीहरूबीच विभाजन ल्यायो । हामीहरूबिच राष्ट्रका लागि एकताको खाँचो छ । अमेरिकीहरूको शान्तिका लागि म सबै प्रकारका जातिवाद र हिंसात्मक गतिविधिको निन्दा गर्न चाहन्छु ।’
गत बर्ष आजकै दिन (अगस्ट ११) बाट आन्दोलन सुरु भएको थियो । अमेरिकी नव–नाजीहरूले काँधमा राइफल बोकेर श्वेतहरूको राष्ट्रियताका लागि नारा घन्काएर दक्षिणी अमेरिकामा नागरिक अधिकारको आन्दोलनपूर्व भएको जातिवादको स्मरण गर्दै आन्दोलन गरेका थिए । जसमा एक महिलाको मृत्यु भएको थियो भने १९ जना सख्त घाइते बनेका थिए ।
ट्रम्पले उक्त आन्दोलनमा नव–नाजी तथा फाँसीवाद विरोधी दुवै समूहको कमजोरी रहेको बताए ।
प्रकाशित मिति: शनिबार, साउन २६, २०७५
-1732776560.jpg)
