पर्वत । अविरल वर्षाका कारण घरमाथि खसेको पहिरोले पुरिँदा पर्वतको जलजला गाउँपालिका –८, लस्तीमा एक जनाको मृत्यु भएको छ । मृत्यु हुनेमा बमबहादुर परियारका १६ बर्षीय छोरा विकास परियार रहेका छन् ।
मंगलबार राति वर्षासँगै आएको पहिरोले जलजलाका ४ घर पुरिएका थिए । पहिरोले घर पुरिएपछि ५ जना सम्पर्कविहिन रहेकोमा एक जनाको मृत्यु भएको पुष्टि भइसकेको छ भने बाँकी ४ जना पहिरो आउनु अघि नैं भागेको र अहिले सम्पर्कमा आइसकेको बताइएको छ ।
पहिरोबाट त्यहाँस्थित १६ घरलाई उच्च जोखिमको अवस्था रहेको हुँदा अहिले नेपाल प्रहरी, नेपाली सेना, स्थानीयवासी लगायतले उद्दार कार्य जारी राखेका छन् ।
प्रकाशित मिति: मंगलबार, साउन १, २०७५
