इथियोपिया । नवनिर्वाचित इथियोपियाली प्रधानमन्त्री अविय अहमदको सम्मानमा शनिबार आयोजना गरिएको विजय जुलुसपछि सम्बोधनका क्रममा विष्फोट भएको छ ।
विष्फोटमा परि कैयौँ सर्वसाधारणको मृत्यु भएको र घटनामा ८३ जना घाइते भएको आशङ्का गरिएको छ ।
राजधानी अदिस अबाबामा आयोजित र्यालीमा दशौँ हजार समर्थक तथा शुभेच्छुक सहभागी भएका थिए । जुलुसपछि प्रधानमन्त्रीले सम्बोधन गर्ने कार्यक्रम अनुसार अवियले सम्बोधन गरिरहेका समय विष्फोट गराइएको थियो ।
जुलुसमा भएको अपार सहभागितालाई छायाँमा पार्ने उद्देश्यले विपक्षी समूहले विष्फोट गराएको हुनसक्ने प्रहरीलाई उद्धृत गर्दै राज्य सञ्चालित समाचार संस्था फाना ब्रोडकास्टिङ कर्पाेरेटले जनाएको छ ।
प्रधानमन्त्रीका रुपमा पद सम्हालेपछिको छोटो समयमा नै उनले सेना प्रमुख र गुप्तचर प्रमुखलाई बर्खास्त गरेका र मानवअधिकार उल्लंघन गरेको भन्दै इथियोपियाको सुरक्षा फौजको पनि आलोचना गरेका थिए ।
प्रकाशित मिति: शनिबार, असार ९, २०७५
-1732776560.jpg)
