११ फागुन, काठमाडौँ । अफगानिस्तानको पूर्वी क्षेत्रमा पर्ने नानगाहार प्रान्तमा सुरक्षा कारबाहीमा परी कम्तीमा ३० जना लडाकुको मृत्यु भएको छ । इश्लामिक स्टेट आवद्ध उनीहरु गत २४ घन्टाको अवधिमा भएका कारबाहीमा मारिएको स्थानीय अधिकारीले बुधबार जानकारी दिएका छन् । मृत्यु हुनेमा लडाकुतर्फका एक जना स्थानीय कमान्डर हम्जा पनि रहेका छन् भने अन्य पाँच जना लडाकु घाइते भएका छन् । सरकारी सुरक्षा फौजले आइएस लडाकुहरुका सवारी साधन, ठुला ठुला मेसिनलगायतका अन्य सामग्रीहरु पनि नष्ट गरिदिएको सरकारी अधिकारीको भनाइ छ । घटनास्थल केन्द्रीय राजधानी काबुलदेखि १२० किलोमिटर टाढा पर्दछ ।
प्रकाशित मिति: मंगलबार, फागुन १०, २०७३
-1732776560.jpg)
