काठमाडौं :सत्तारुढ नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ले सगरमाथलो विश्वका मानीसलाई एकतावद्ध बनाउने काम गरेको धारणा ब्यक्त गरेका छन् । सगरमाथा आरोहण संघले शनिबार अन्तराष्ट्रिय सगरमाथा दिवसको अवसरमा काठमाडौंमा आयोजना गरेको रक्तदान कार्यक्रममा बोल्दै पूर्वप्रधानमन्त्री प्रचण्डले नेपाल राष्ट्र र नेपाली जनताको इतिहासमा सगरमाथाले संस्कृति, सभ्यता, एकता र गौरवलाई मात्र होइन विश्वभरिका जनताको एकता र गौरवलाई पनि आफ्नो प्रक्रियामा सामेल गराएको बताए ।
अध्यक्ष प्रचण्डले सर्वोच्च शिखर सगरमाथा मुलुकको एकता र गौरवको प्रतिक भएको बताए। उनले सगरमाथा आरोहीहरुले समाजसेवा र मानव सेवाको माध्यामबाट मुलुकलाई समृद्ध बनाउन अझै महत्वपूर्ण योगदान दिने विश्वास व्यक्त गरे ।
विश्वको सर्वोच्च शिखर सगरमाथामा तेन्जिङ नोर्गे र एडमण्ड हिलारीले आरोहण गरेपछि विभिन्न कीर्तिमान कायम भएको भन्दै अध्यक्ष प्रचण्डले आरोहणका क्रममा धेरै मानिसहरुले जीवनको उत्सर्ग पनि गरेको बताए ।
प्रकाशित मिति: शुक्रबार, जेठ ११, २०७५
