चीनले पहिलोपटक विवादित दक्षिण चीन सागरमा आफ्नो बमवर्षक विमान ल्यान्ड गरेको छ । चीनको एयरफोर्सले छ मुलुकहरुले आफ्नो भन्ने दाबी गरिरहेको साउथ चाइना सिको टापुमा आफ्नो बमवर्षक विमान ल्याण्ड गराएको बताएको हो ।
चीनले एच–६के मोडलको बमवर्षक उक्त टापुमा अवतरण गराएको हो । यो क्षेत्रमा आफ्नो अधिकार विस्तार गर्नका लागि चीनले यस्तो योजना ल्याएको आरोप पनि लाग्न थालेको छ । व्यापारिक हिसाबले निकै महत्वपूर्ण मानिने यो टापुमा एसियाका विभिन्न छ मुलुकहरुले आफ्नो दाबी गर्दै आएका छन् । चिनको रक्षा मन्त्रालयले बम कहाँ खसेको भन्ने यकिन गरेको छैन । तर, त्यहाँ शैन्य अभ्याष भएको भने स्वीकार गरेको छ ।
यो विमानका पाइलटले भने यस किसिमको तालिमले आफ्नो उत्साह बढाउने र कुनै वास्तविक युद्धको लागि आफूहरुको क्षमता बढाउनमा सहयोग पुग्ने बताए । एसियाको अनुसन्धान गरिरहेको एएमटीआईका विज्ञहरुले पनि भिडियोमा एच–६के विमान ल्याण्ड गरेको र त्यहाँबाट उडेको पाइएको बताएका छन् । –एजेन्सी
प्रकाशित मिति: शनिबार, जेठ ५, २०७५
-1732776560.jpg)
