९ फागुन, काठमाडौँ । मानव अधिकार तथा शान्ति समाजले पुरुषोत्तम दाहालको आजीवन सदस्यता खारेज गरेको छ । दाहालद्धारा लिखित “मेरो पत्रकारिता” नामक पुस्तकमा समाजबारे कपोलकल्पित भ्रामक र झुठा कुराहरु लेखी संस्थामाथि निकृष्ट प्रहार गरेको भन्दै दाहालको सदस्यता खारेज गरिएको महासचिव उत्तम पुडासैनीले जानकारी दिनुभयो । दाहालले शान्ति समाज जस्तो स्वयंसेवी र स्वाभिमानी संस्थामाथि मर्यादाका सारा सीमा नाघेर लगाएको आरोपको राष्ट्रिय परिषद् बैठकले निन्दा एवं भत्र्सना गरेको र पुरुषोत्तम दाहालले गरेको कार्यलाई फटाइँ र निकृष्ट कृत्यको रुपमा निन्दा गरेको थियो । दाहाललाई समाजले स्पष्टिरण सोध्दा चित्त बुझ्दो जवाफ नदिएको महासचिव पुडासैनीले जारी गरेको विज्ञप्तिमा उल्लेख गरिएको छ ।
प्रकाशित मिति: आइतबार, फागुन ८, २०७३
