काठमाडौँ । दक्षिणी मेक्सिकोको वहाका राज्यमा शक्तिशाली भूकम्प गएको छ । ७.२ म्याग्निच्युड मापन गरिएको सो भूकम्पलार्इ सताब्दी यताकै शक्तिशाली भूकम्पको रूपमा हेरिएको छ ।
भूकम्पले त्यहाँदेखि झण्डै ३ सय किलोमिटर टाढा मेक्सिको सिटीमा रहेका भवनहरू समेत हल्लाएको थियो।
हालसम्म हताहतीको विवरण प्राप्त भएको छैन। तर विद्यालयहरूमा उद्धारका कामहरू अघि बढाइएका थिए। भूकम्पको धक्का महसुस भएपछि मेक्सिको सिटीमा अत्तलिएका हजारौं मानिसहरू सडकमा निस्किएका थिए।
उनीहरू एक अर्कालाई अंकमाल गर्दै रोएको र अंगालो हालेर बसेको अनि कतिपय अन्योलग्रस्त अवस्थामा रहेको बीबीसीले जनाएको छ ।
केही समय सवारीसाधन समेत सडकमै रोकिएका थिए।
पछिल्लो धक्का महसुस हुँदा धेरैले गएको सेप्टेम्बर महिनाको जस्तै विनाशकारी भूकम्प आएको आशंका गरेका थिए।
त्यसबेलाको भूकम्पमा झण्डै चार सयजनाले ज्यान गुमाएका थिए।
राष्ट्रपति कार्यालयका प्रवक्ताले हालसम्म कुनै हताहतीको खबर नअाएको जनाएका छन् ।
प्रकाशित मिति: शुक्रबार, फागुन ४, २०७४
-1732776560.jpg)
