काठमाडौँ । यौन दुर्व्यवहारको अारोप लागेका अमेरिकी रिपव्लिकन पार्टीको राष्ट्रिय समितिका अार्थीक मामिला प्रमुखले पदबाट राजिनामा दिएका छन् । लास भेगस स्थित क्यासिनोका मालिक स्टिभ विन अमेरिकी राष्ट्रपति डोनाल्ड ट्रम्पका नजिकका व्यक्ती समेत हुन् ।
उनलार्इ सो पदमा ट्रम्पले नै नियुक्त गरेका थिए । ट्रम्पसँग छलफल गरेरमात्र विनको राजीनामा स्वीकृत गरिएको बताइएको छ।
अघिल्लो हप्ता स्टिभ विनले ट्रम्पको फ्लोरिडास्थित बिदा मनाउने स्थान मार अ लागोमा एउटा आर्थिक सहायता संकलनको कार्यक्रम आयोजना गर्न सघाएका थिए ।
अर्बपति क्यासिनो मालिक स्टिभ विनलाई दर्जनौँ महिला कर्मचारीलाई यौन क्रियाकलाप गर्न बाध्य बनाएको आरोप छ ।
वाल स्ट्रिट जर्नलले उनले यस विवाद साम्य पार्नका लागि कैयौं लाख डलर तिरेका जनाएको छ ।
उनका लास भेगस र मकाउमा क्यासिनोहरू छन् । वाल स्ट्रिट जर्नलमा छापिएको लेखलार्इ उदृत गर्दै बीबीसीले लेखेको छ, दर्जनौं पूर्व र बहलवाला कर्मचारीलाई यौन दुर्व्यवहार गरेको आरोप लगाइएपछि उनले राजीनामा दिने निर्णय लिएका हुन्।
उक्त लेखमा विनले महिला कर्मचारीलाई यौन गतिविधिमा संलग्न गराएको र महिलालाई काम गर्न असुरक्षित वातावरण बनाएको आरोप लगाइएको छ।
हात र नङको सुन्दरता सम्बन्धी काम गर्ने एक पूर्व कर्मचारीलाई उनले ७५ लाख डलर तिरेर एउटा यौन दुर्व्यवहार सम्बन्धी विवाद टुङ्गो लगाएको पनि उक्त लेखमा दाबी गरिएको छ।
तर ती आरोपहरू अपमानजनक भएको भन्दै उनले सम्बन्धविच्छेद फर्छ्यौटलाई लिएर उत्पन्न विवादका माझ आफ्नी श्रीमतीले त्यसलाई उचालिरहेको आरोप लगाएका छन्।
विन संस्थापक, अध्यक्ष र प्रुमख कार्यकारी रहेको विन रिजोर्टस् लमिटेडले ती आरोपहरूबारे जाँच गर्न एउटा समिति गठन गरेको छ।
प्रकाशित मिति: शनिबार, माघ १३, २०७४
-1732776560.jpg)
