काठमाडौँ । भारतले ६९ औं गणतन्त्र दिवस मनाइरहेको छ । गणतन्त्र दिवसको अवसरमा दिल्लीको राजपथमा विशेष समारोह आयोजना गरिएको छ ।
भारतको गणतन्त्र दिवसमा अासियानका १० राष्ट्रका राष्ट्राध्यक्ष प्रमुख अतिथिको रूपमा सहभागि भएका छन् । गणतन्त्र दिवसमा भारतले कुनै एक देशका राष्ट्राध्यक्षलार्इ प्रमुख अतिथि बनाउँदै अाएको थियो ।
गणतन्त्र दिवस समारोहको औपचारिक कार्यक्रममा ब्रुनाइ, म्यान्मार, कम्बोडिया, इण्डोनेसिया, लाओस, मलेसिया, फिलिपिन्स, सिंगापुर, थाइल्याण्ड र भियतनामका राष्ट्राध्यक्ष सहभागी भएका छन् ।
राजपथमा हुने परेडका क्रममा विभिन्न झाँकीसहित भारतले आफ्नो सैन्य शक्ति प्रदर्शन गर्नेछ। गणतन्त्र दिवसको अवसरमा हुने समारोहलाई लक्षित गरी दिल्लीको सुरक्षा व्यवस्था कडा पारिएको छ। अग्ला भवनहरुमा आधुनिक हतियारसहित सुरक्षाकर्मी तैनाथ गरिएको भारतीय सञ्चारमाध्यामले जनाएका छन्। सुरक्षाका लागि प्रहरी र केन्द्रीय सुरक्षा बलका ६० हजार सुरक्षाकर्मी परिचालन गरिएको छ।
प्रकाशित मिति: बिहीबार, माघ ११, २०७४
-1732776560.jpg)
