गोरखा : नार्पाभूमि–५, मनाङस्थित हिमलुङ आधार शिविरमा गत आइतबार गएको हिउँपहिरोमा परी बेपत्ता भएका गोरखाका दुई जनाको शव भेटिएको छ।
धार्चे गाउँपालिका–२ केरौंजाका ४५ वर्षीय आशबहादुर गुरुङको शव बुधबार दिउँसो र ३२ वर्षीय वीरेन्द्र गुरुङको शव सोमबार भेटिएको उनीहरूका आफन्त अर्जुन गुरुङले जानकारी दिए।
सोमबार भेटिएको वीरेन्द्रको शव शिक्षण अस्पतालमा पोस्टमार्टम गरी बिहीबार गाउँ ल्याउने तयारी गरिएको उनले बताए। आशबहादुरको शव भने मनाङमै रहेको छ।
वीरेन्द्र हिमालयन होलिडेज कम्पनीमा बेसक्याम्प सहयोगीका रूपमा र आशबहादुर इम्याजिन नेपाल एक्सपिडिसन प्रालिबाट गाइड तथा कुकम्यानका रूपमा काम गर्न हिमलुङ आधार शिविरतर्फ गएका थिए।
प्रकाशित मिति: बिहीबार, असोज १५, २०८३
-1787133994.jpg)