१ पुस, काठमाडौँ । बेलायतका राजकुमार ह्यारी र मेघान मार्कलको बिहेको मिति तय भएको छ । अर्को वर्षको मे महिनाको १९ तारिखका दिन उनीहरुको औपचारिक विवाह हुने मिति तय भएको हो । केन्जिङ्टन राजदरबारको पारिवारिक स्रोतले शुक्रबार दिएको जानकारी अनुसार उनीहरुको विवाह सेन्ट जर्ज चापेल विन्डसर महलमा हुनेछ । वैवाहिक समारोहमा सांगीतिक कार्यक्रमसहितको भोजभतेर पनि हुने र त्यसको सबै खर्च राजदरबारले नै बेहोर्ने भएको स्थानीय सञ्चार माध्यमहरूले जनाएको छ । ह्यारी र मेघानकाबीच गत नोभेम्बरमा ‘इन्गेजमेन्ट’ गर्ने निधो भएको थियो भने डिसेम्बर १ मा उनीहरुको संयुक्त तस्बिर पहिलो पटक सार्वजनिक भएको थियो ।
प्रकाशित मिति: शुक्रबार, मंसिर २९, २०७४
-1732776560.jpg)
