काठमाडौं । प्रधानन्यायाधीश डा. मनोजकुमार शर्मा चारदिने चीन भ्रमणका लागि आइतबार (असोज ४ गते) त्यसतर्फ प्रस्थान गरेका छन् ।
चाइना ल सोसाइटीको आयोजनामा हुने ‘चाइना फोरम अन इन्टरन्यासनल लिगल कोअपरेसन–२०२६’ मा सहभागी हुन प्रधानन्यायाधीश शर्मासहितको टोली चीन गएको सर्वोच्च अदालतका प्रवक्ता एवम् सहरजिष्ट्रार अर्जुन कोइरालाले जानकारी दिए ।
कोइरालाका अनुसार टोली चाइना साउदर्न एअरलाइन्सको विमानमार्फत चीनको गोन्जाउ प्रस्थान गरेको हो ।
भ्रमण सकेर प्रधानन्यायाधीश शर्मासहितको टोली असोज ८ गते (२४ सेप्टेम्बर २०२६) स्वदेश फर्किनेछ ।
भ्रमण टोलीमा प्रधानन्यायाधीश शर्माकी धर्मपत्नी उमा शर्मा, मुख्य रजिष्ट्रार बिमल पौडेल र उपरजिष्ट्रार राजेन्द्र पौडेल सहभागी छन् ।
प्रकाशित मिति: आइतबार, असोज ४, २०८३
