काठमाडौं । सरकारले १३ देशका लागि नेपाली राजदूत नियुक्त गर्न सिफारिस गरेको छ। शुक्रबार बसेको मन्त्रिपरिषद् बैठकले भारत, चीन, अमेरिकासहित १३ देशका लागि राजदूतको नाम सिफारिस गरेको हो।
सरकारले भारतका लागि डा. निश्चलनाथ पाण्डे, अमेरिकाका लागि चिरनजंग थापा र चीनका लागि डा. कल्याणराज शर्मालाई सिफारिस गरेको छ।
परराष्ट्रमन्त्री शिशिर खनालले विभिन्न क्षेत्रका व्यक्तिलाई राजदूत नियुक्तिका लागि सिफारिस गरिएको जानकारी दिएका छन्। सिफारिस गरिएका नाम संसदीय सुनुवाइका लागि पठाइनेछ। संसदीय सुनुवाइपछि सम्बन्धित मुलुकबाट अग्रिमा प्राप्त भएपछि राष्ट्रपतिले राजदूत नियुक्त गर्ने प्रक्रिया अघि बढ्नेछ।
प्रस्तावित राजदूतहरू :
१. डा. निश्चलनाथ पाण्डे — भारत
२. डा. कल्याणराज शर्मा — चीन
३. चिरनजंग थापा — संयुक्त राज्य अमेरिका
४. पूर्वप्रधानसेनापति गौरव शम्शेर जंगबहादुर राणा — बेलायत
५. जिग्यान कुमार थापा — जापान
६. सुरेशकुमार कर्ण — इजरायल
७. प्राप्ति शेरचन — स्पेन
८. शारू जोशी — जर्मनी
९. डा. पद्माक्षी राणा — ओमान
१०. चूडामणि खरेल — मलेसिया
११. प्रा. डा. सङ्गम श्रेष्ठ — दक्षिण कोरिया
१२. डा. मंचल झा — श्रीलंका
१३. गिरीबहादुर सुनार — साउदी अरेबिया
यसअघि यीमध्ये भारत, चीन र अमेरिकाका लागि क्रमशः निश्चलनाथ पाण्डे, कल्याणराज शर्मा र चिरनजंग थापाको नाम चर्चामा रहेको थियो।
प्रकाशित मिति: शुक्रबार, असोज २, २०८३
-1787133994.jpg)