७ कात्तिक, काठमाडौँ । चिनियाँ कम्युनिस्ट पार्टीले राष्ट्रपति सि जिनपिङको विचारधारालाई संविधानमै समावेश गर्ने निर्णय गरेको छ । कम्युनिष्ट पार्टीको अधिवेशनमा संविधानमै सिको बिचारधारा राख्ने पक्षमा सहमति जुटेको चिनियाँ समाचार संस्था सिन्ह्वाले जनाएको छ । संविधानमा सिलाई चीनका पहिलो कम्युनिस्ट नेता तथा संस्थापक माओत्सेतुङ्गको कै बराबरीको दर्जा समेत दिइएको छ । योसँगै चिनियाँ नागरिक, विद्यालयका बालबालिका सरकारी कर्मचारी तथा कम्युनिष्ट पार्टीका ९ करोड सदस्यले सि जिनपिङको विचार पढ्नेछन् । साथै जिनपिङको विचारसँगै चिनियाँ समाजवादी युग सुरु भएको मानिएको छ । चीनले सिको युगलाई आधुनिक चीनको तेस्रो अध्याय सुरु भएको जनाएको छ । चीनमा यसअघि माओत्सेतुङ्ग र देङ सियाओपिङको नाम मात्र संविधानमा उल्लेख गरिएको थियो ।
प्रकाशित मिति: सोमबार, कात्तिक ६, २०७४
-1732776560.jpg)
