काठमाडौं । सप्तरी र धनुषामा करेन्ट लागेर दुईजनाको मृत्यु भएको छ ।
सप्तरीको कञ्चनरूप नगरपालिका–१२ का ६३ वर्षीय गणेशबहादुर श्रेष्ठको करेन्ट लागेर बुधबार दिउँसो मृत्यु भएको हो । आफ्नै घरमा रहेको विद्युतीय तारबाट करेन्ट लागेर गम्भीर घाइते भएका श्रेष्ठको कञ्चनरूप नगर अस्पतालमा उपचारका क्रममा मृत्यु भएको प्रहरीले जनाएको छ ।
त्यस्तै, धनुषाको धनुषाधाम नगरपालिका–६ हरिपुरका ६० वर्षीय सुटा दासको पनि करेन्ट लागेर मृत्यु भएको छ । धान खेतमा पानी लगाउन विद्युतीय मोटर चलाउने क्रममा करेन्ट लागेका दासको घटनास्थलमै मृत्यु भएको प्रहरीले जनाएको छ ।
प्रकाशित मिति: बिहीबार, असोज १, २०८३
