१ असोज, काठमाडौँ । इजिप्टको एक अदालतले जनआन्दोलनबाट सत्ताच्युत गरिएका भूतपूर्व राष्ट्रपति मोहम्मद मोर्सी्विरुद्धको आजीवन काराबास सम्वन्धी यसअघिको आदेशलाई सदर गरेको छ । इजिप्टको उच्च अदालतले (पुनरावेदन) पूर्व राष्ट्रपतिको पुनरावेदनलाई अस्वीकार गर्दै यो नै अन्तिम तथा पुनरावेदन गर्न नमिल्ने निर्णय भएको बताएको, यहाँको राज्य संचालित मेना न्युज एजेन्सीले जनाएको छ। मोर्सीलाई कतारसँग जासुसी गरेको अभियोग लगाई यसअघि काराबासको सजाय सुनाइएको थियो। अदालतको आदेशमाथि मोर्सीले पुनरावेदन गरेका थिए।इजिप्टको कानुन अनुसार आजीवन कारावासको सजाय २५ बर्ष हुने गर्छ।अदालतले शनिबारै एक अर्को निर्णयमार्फत मुश्लिम ब्रदरहुड समूहका तीन महत्वपूर्ण नेतालाई मृत्यदण्डको फैसला सुनाएको छ।
प्रकाशित मिति: शनिबार, भदौ ३१, २०७४
-1732776560.jpg)
