२८ भदौ, काठमाडौँ । राष्ट्रिय जनता पार्टी (राजपा) नेपालले माओवादी केन्द्रलाई आफ्नो पार्टीका उम्मेदवारको आफन्तको हत्या गरेको आरोप लगाएको छ । राजपाले स्थानीय तहको तेस्रो चरणको चुनाव प्रचारमा जाँदा आफ्ना उम्मेदवारका भतिजको माओवादी केन्द्रका कार्यकर्ताले हत्या गरेको आरोप लगाएको छ । मंगलबार रौतहट मौलपुर नगरपालिका मेयरका उम्मेदवार रविन्द्र कुमार पटेल (धिरज) आफ्ना दाइ राजेन्द्र पटेलसहित पूरै परिवार चुनाव प्रचारमा हिँडेको र प्रचारका क्रममा माओवादी केन्द्रका कार्यकर्ताले सांघातिक आक्रमण गरी राजेन्द्रका छोरा बलवीरको हत्या गरेको राजपाले विज्ञप्तीमार्फत आरोप लगाएको छ ।
प्रकाशित मिति: मंगलबार, भदौ २७, २०७४
