काठमाडौँ । प्रधानमन्त्री शेरबहादुर देउवाले सरकार पूर्ण प्रेस स्वतन्त्रताको पक्षमा रहेको बताएका छन् ।
ग्यालेक्सी फोर के टेलिभिजनको शुक्रबार शुभारम्भ गर्दै उनले सरकार प्रेसलाई नियन्त्रण गर्ने पक्षमा नरहेको स्पष्ट पारे । सञ्चार क्षेत्रमा प्रतिस्पर्धा कडा रहेका भए पनि ग्यालेक्सी फोर के टिभीले थप जिम्मेबार पत्रकारिता गर्ने उनले विश्वास व्यक्त गरे ।
लोकतान्त्रिक देशमा सञ्चारमाध्यम चौथो अङ्गका रूपमा स्थापित रहेको भन्दै प्रधानमन्त्री देउवाले नेपाललेसमेत सोही मान्यताअनुसार यसलाई फस्टाउन अभिप्रेरित गरेको उल्लेख गरे । उनले रामायण, को बन्छ करोडपतिजस्ता कार्यक्रम प्रसारण गर्न लागेकामा टेलिभिजनलाई धन्यवाद दिए ।
प्रकाशित मिति: शनिबार, असोज १६, २०७८
-1732776560.jpg)
