काठमाडौँ । नेपालमा मिलेनियम च्यालेन्ज कर्पोरेसन (एमसिसी) सम्झौताको पछिल्लो अवस्थाबारे एमसीसीको बोर्ड बैठकमा समीक्षा गरिएको छ ।
एमसिसीको मुख्यालय वासिङ्टन डिसीमा भएको बैठकमा नेपालको संसदबाट एमसिसी अनुमोदनका लागि भएका प्रयासबारे छलफल भएको हो ।
अमेरिकी विदेशमन्त्री एन्टोनी ब्लिकेंनको अध्यक्षतामा भएको बोर्ड बैठकमा एमसिसी अनुमोदनलाई अगाडि बढाउनका लागि एमसिसीको उच्चस्तरीय टोलीले यसै महिनाको सुरुमा गरेको नेपाल भ्रमण र पछिल्लो अवस्थाबारे जानकारी दिइएको थियो ।
गत सेप्टेम्बर ९ मा एमसिसी उपाध्यक्ष फतिमा सुमारले नेपाल भ्रमण गरेकी थिइन् । नेपालमा रहँदा उनले राजनीतिक दलका शीर्ष नेताहरुलाई भेटी एमसीसी शीघ्र अनुमोदन गर्न आग्रह गरेकी थिइन् ।
एमसिसी बोर्ड बैठकमा अन्य विभिन्न मुलुकमा सञ्चालन भइरहेका परियोजनाबारे पनि छलफल भएको थियो ।
प्रकाशित मिति: शुक्रबार, असोज १५, २०७८
-1732776560.jpg)
