१९ साउन, काठमाडौँ । चितवनको भरतपुर महानगरपालिकाको मेयर पदका उम्मेदवार एमाले नेता देवी ज्ञवालीका छोरा निरब ज्ञवाली रिहा भएका छन । उनी जिल्ला अदालत काठमाडौँबाट २५ हजार धरौटीमा रिहा भएका हुन । वैशाख ३१ गते सम्पन्न पहिलो चरणको स्थानीय तहको निर्वाचनका क्रममा निरबले भरतपुर महानगरपालिकाकै मेयर पदकी प्रत्यासी रेणु दाहालबारे सामाजिक सन्जालमा अपशब्द लेखेको भन्दै चितवन प्रहरीमा जाहेरी परेको थियो । प्रहरीले पक्राउ गरेर निरबलाई बुधबार नै काठमाडौं जिल्ला अदालत पेश गरेको थियो । सरकारी वकिलले निरबविरुद्ध पाँच वर्षसम्म कैद र एक लाख रुपैयाँ जरिवाना मागदाबी गरेका भए पनी उनी २५ हजार धरौटीमा रिहा भए ।
प्रकाशित मिति: बुधबार, साउन १८, २०७४
