काठमाडौँ । राष्ट्रपति विद्यादेवी भण्डारीले आज रेल्वे अध्यादेश २०७८ जारी गरेकी छन् । जनकपुर जयनगर रेलमार्गमा रेल सञ्चालनका लागि कानुनी बाटो खोल्न उक्त अध्यादेश जारी गरिएको हो ।
उक्त रेलमार्ग सञ्चालनका लागि कानुनी बाटो खोल्न भौतिक पूर्वाधार तथा यातायात मन्त्रालयले अध्यादेशको मस्यौदा जारी गरेको थियो । मन्त्रिपरिषद बैठकले अध्यादेश राष्ट्रपति भण्डारीसमक्ष पेश गरेको थियो ।
अध्यादेशमा नेपाल सरकारले एक वा एक भन्दा बढी विदेशी राष्ट्रको भूमिसम्म वा विदेशी राष्ट्रले नेपालको भूमिसम्म वा नेपालको भूमि भएर अर्को विदेशी राष्ट्रमा जाने गरी रेल्वे सेवा सञ्चालन गर्ने व्यवस्था गरेको छ।
प्रकाशित मिति: बुधबार, वैशाख २२, २०७८
-1732776560.jpg)
