काठमाडौँ । काठमाडौँ उपत्यकामा सार्वजनिक र निजी यातायातका साधन बन्द गर्ने निर्णय गरेको छ ।
उपत्यकाका तिनै जिल्लाका प्रमुख जिल्ला अधिकारीहरुको आज (सोमबार) बसेको बैठकले सार्वजनिक र निजी यातायात बन्द गर्ने निर्णय गरेको स्रोतले जनाएको छ ।
वैशाख १६ गते राति १२ बजेदेखि काठमाडौँ, भक्तपुर र ललितपुर जिल्लामा खाद्यपदार्थ र औषधि पसलबाहेकका पसल बन्द गर्ने र निजी र सार्वजनिक यातायात पनि बन्द गर्ने गरी निषेधाज्ञा जारी गर्ने स्रोतले जानकारी दिएको छ ।
पछिल्लो समयमा कोरोना भाइरस संक्रमण तीब्र रुपमा फैलिएसँगै कोभिड-१९ संकट व्यवस्थापन केन्द्र (सीसीएमसी) सचिवालयको आइतबार बसेको बैठकले वैशाख १६ गतेदेखि उपत्यकामा निषेधाज्ञा गर्न सुझाव दिएको थियो ।
उपत्यकाका तिनै जिल्लाका प्रमुख जिल्ला अधिकारीहरुको आज (सोमबार) बसेको बैठकले सो निर्णय गरेको हो ।
प्रकाशित मिति: सोमबार, वैशाख १३, २०७८
-1732776560.jpg)
