११ साउन, काठमाडौँ । राष्ट्रिय प्रजातन्त्र पार्टीले आज एक विज्ञप्ति जारी गरी प्रधानमन्त्री शेरबहादुर देउवा नेतृत्वको सरकारसँग सरकार गठनलगायतका विषयमा वार्ता गर्न महामन्त्री जयन्त चन्दको नेतृत्वमा गठित तीन सदस्यीय वार्ता समिति भंग गरेको जनाएको छ । मन्त्रिपरिषद विस्तार भएको केही मिनेटमै राप्रपाले विज्ञप्ति निकालेर सरकारसाग वार्ता गर्न बनाइएको समिति भंग गरेको घोषणा गरेको हो । मन्त्रालय बाँडफाँटको विषयमा सरकारसँग छलफल गर्न भन्दै राप्रपाले महामन्त्री जयन्त चन्दको नेतृत्वमा वार्ता समिति बनाएको थियो । राप्रपा अध्यक्ष कमल थापाले उपप्रधान मन्त्रीसहित पाँच मन्त्रालय मागेका थिए । तर प्रधानमन्त्री देउवाले उपप्रधानबाहेक चार मन्त्रालय दिने बताएका थिए ।
प्रकाशित मिति: मंगलबार, साउन १०, २०७४
-1732776560.jpg)
