जनकपुरधाम । महोत्तरीको भंगहा नगरपालिका–८ धर्मपुरका ७ जना बालिका र किशोरीहरु वेपत्ता भएका छन् ।
बेपत्ता हुनेमा १८ वर्षीया अस्मिता पासवान, सोही उमेरकी नगिना पासवान, १५ वर्षीया रिया पासवान, सोही उमेरकी अर्चना पासवान, १३ वर्षीया ज्योती पासवान, १० वर्षीया रञ्जना पासवान र सीमा पासवान रहको प्रहरीले जनाएको छ ।
प्रहरीका अनुसार मंगलबार दिउँसो घाँस काट्न गएका सातै जना बुधवार विबहानसम्म पनि घर फर्केका छैनन् । गाउँका ७ जना बालिका र किशोरी एकपटक वेपत्ता भएपछि गाउँ नै त्रसित बनेको प्रहरीले जनाएको छ ।
बेपत्ता सातै जनाको खोजी कार्य भइरहेको महोत्तरी प्रहरीले जानकारी दिएको छ ।
प्रकाशित मिति: बुधबार, चैत १८, २०७७
-1732776560.jpg)
