१० साउन, काठमाडौँ । प्रधानमन्त्री शेरबहादुर देउवाले मन्त्रिपरिषद्मा नयाँ सदस्यहरुलाई नियुक्त गरी आज मन्त्रिमण्डल विस्तार गर्ने तयारी गरे पनि अन्तिम समयमा स्थगित भएको छ । जेठ २४ गते माओवादी लगायतका दलहरुको समर्थनमा प्रधानमन्त्रीको जिम्मेवारी सम्हालेका कांग्रेस सभापति देउवाले मन्त्रिमण्डलमा कांग्रेसका १० जना र माओवादीका ६ जना नयाँ सदस्यहरुलाई मन्त्री पदमा नियुक्त गर्ने तयारी गरी आजै पद तथा गोपनियताको सपथ दिलाउने तयारीमा लागेका थिए । राष्ट्रपति कार्यालयलाई साँझ ५बजेका लागि सपथको तयारी गर्न आग्रह गरिएको भए पनि अन्तिम समयमा आज सपथ नहुने जानकारी गराइएको छ । राष्ट्रपतिका प्रेस संयोजक माधव शर्माले आजकोन्युजसँग कुरा गर्दै ५ बजेका लागि तयारी गर्न भनिए पनि क्यान्सिल भएको जानकारी आएको बताए ।
प्रकाशित मिति: सोमबार, साउन ९, २०७४
-1732776560.jpg)
