८ साउन, काठमाडौँ । नेपाल प्रहरीको बढुवा सिफारिसमा अन्याय भएको भन्दै तीन उच्च प्रहरी अधिकृत पुनरावलोकन समिति गएका छन । उनीहरुले आइतबार पुनरावलोकन समितिमा उजुरी दिएका छन् । यससँगै एआईजी, डीआईजी र एसएसपीको बढुवा प्रक्रिया रोकिएको छ । जुनियरलाई बढुवा गरेर सिनियरलाई अन्यायमा पारिएको भन्दै डीआईजी मधुप्रसाद पुडासैनी, एसएसपी सुवासचन्द्र चौधरी र एसपी बिभुतिराज पाण्डेले पुनरावलोकन समितिमा उजुरी दिएका हुन् । उनीहरु तीनैजना बढुवा सिफारिसमा परेका छैनन् । गृहमन्त्री जनार्दन शर्माले बढुवामा केही अधिकृतलाई अन्याय भए पनि नियतवश नगरिएको भन्दै प्रष्टिकरण दिएका थिए । तर, बढुवामा नपरेकामध्ये तीनजनाको उजुरी दर्ता भएको लोकसेवा आयोगका प्रवक्ता लक्ष्मीविलाश कोइरालाले बताए । पुनरावलोकन समितिको अध्यक्षमा लोकसेवा आयोगका अध्यक्ष रहन्छन् भने सदस्यमा मुख्य सचिव र कानुन सचिव रहने व्यवस्था छ । समितिले कार्य सम्पादक मुल्यांकन, बरिष्ठता र आचरण लगायत सबै पक्ष हेर्नेछ । गृह मन्त्रालयले आफूखुसी दरबन्दी सिर्जना गरेर बढुवा गरेको भन्दै प्रहरीभित्र चरम असन्तुष्टि बढेको छ ।
प्रकाशित मिति: शनिबार, साउन ७, २०७४
-1732776560.jpg)
