काठमाडौँ । काठमाडौँमा गत १९ गते राती नियमीत अभ्यासका लागि निस्किएको नेपाली सेनाको बख्तरबन्द गाडी आज देशका अन्य तीन जिल्लामा पनि देखीएको छ ।
आज बिहिबार बुटवल, चितवन र कैलालीमा पनि नेपाली सेनाले नियमित अभ्यासका लागि बख्तरबन्द सडकमा निकालेको छ ।
नेकपा प्रचण्ड–नेपाल समूहले देशभर घोषणा गरेको आमहड्ताल जारी रहदाँ बुटवलमा नेपाली सेनाको बख्तरबन्दले नगरपरिक्रमा गरेको हो । सेनाले नियमित अभ्यास अन्तर्गत नै बख्तरबन्द गाडी प्रदर्शन गरिएको जनाएको छ ।
त्यस्तै,नेपालगञ्जबाट धनगढीको बोराडाँडीमा रहेको ब्यारेकसम्म बख्तरबन्द गाडीहरु साइरन बजाउँदै आएपछि स्थानीयले चासो व्यक्त गरेका छन् । यद्यपि, नेपाली सेनाले भने यसलाई नियमित अभ्यास भनेको छ ।
लामो समयदेखि सेनाले बख्तरबन्द गाडी सडकमा निकालेर अभ्यास गरेको थिएन । राजनीतिमा आएको परिवर्तनसँगै देशभर सेनाले गरेको अभ्यासलाई पनि अर्थपूर्ण रुपमा हेरिएको छ ।
प्रकाशित मिति: बिहीबार, माघ २२, २०७७
-1732776560.jpg)
