काठमाडौँ । अख्तियार दुरुपयोग अनुसन्धान आयोगका आयुक्त गणेशराज जोशीले राजीनामा दिएका छन् ।
जोशीले बुधबार दिउँसो राष्ट्रपति विद्यादेवी भण्डारीलाई राजीनामा बुझाएको राष्ट्रपति कार्यालयका प्रवक्ता जगन्नाथ पन्तले जानकारी दिए। जोशीले राजीनामा दिएसँगै अख्तियारमा अब एक पद रिक्त भएको छ।
२०७१ चैत १९ गते अख्तियारको आयुक्तमा नियुक्त भएका जोशी ६ वर्षे पदावधिका कारण आगामी चैत १९ गते अवकाश पाउँदै थिए।
त्यस्तै,बुधबार बिहान नवनियुक्त प्रमुख आयुक्त प्रेमकुमार राई र आयुक्तमा सिफारिस भएका जयबहादुर चन्द र किशोरकुमार सिलवालले पद तथा गोपनियताको सपथ लिइसकेका छन्।
राष्ट्रपति कार्यालय, शीतल निवासमा पद तथा गोपनियताको सपथ लिएलगत्तै राई, चन्द र सिलवालले टंगालस्थित अख्तियारको कार्यालय पुगेर पदभार सम्हालेका छन्।
प्रकाशित मिति: बुधबार, माघ २१, २०७७
-1732776560.jpg)
