३ साउन, काठमाडौँ । आन्तरिक राजश्व विभागका निलम्बित महानिर्देशक चुडामणि शर्माको बन्दी प्रत्यक्षीकरणको रिटमा बुधबार पनि सुनुवाइ हुने भएको छ । सर्वोच्च अदालतमा शर्मालाई थुनामुक्त गर्न माग गर्दै दायर बन्दी प्रत्यक्षीकरणको रिटमाथि आज पनि बहस नसकिएपछि हेर्दाहेर्दैमा राखिएको छ । न्यायाधीश चोलेन्द्रशमशेर राणा र प्रकाशमान सिंह राउतको संयुक्त इजलासले शर्माको बन्दी प्रत्यक्षीकरणको मुद्दाको सुनुवाइ नसकिएपछि अदालतले ‘हेर्दाहेर्दैमा’ राखी सुनुवाइका लागि भोलि तय गरेको अदालतका प्रवक्ता विश्वराज पौडेलले जानकारी दिए । शर्माका श्रीमती कल्पना उप्रेतीले विशेष अदालतलाई विपक्षी बनाई गत असार २७ गते गैरकानुनी रूपमा थुनामा राखेको भन्दै रिहाइको माग गरी बन्दी प्रत्यक्षीकरणको रिट दायर गरेकी थिइन
प्रकाशित मिति: सोमबार, साउन २, २०७४
-1732776560.jpg)
