२ साउन, काठमाडौँ । रसुवा जिल्लाको मैलुङ खोला जलविद्युत कम्पनीले सेयर बाँडफाँड चिट्ठा प्रणालीमाफर्त गरेको विरोधमा रसुवाबासीले प्रमुख जिल्ला अधिकारीमार्फत ज्ञापनपत्र बुझाएका छन् । उनीहरुले जिल्लाबासीका लागि सुनिश्चत गरिएको १० प्रतिशत शेयर बाँडफाँडमा अनियमितता भएको भन्दै ज्ञापनपत्र बुझाएका हुन् । कम्पनीले गरेको निर्णय तत्काल नसच्चाए आन्दोलन गर्ने रसुवाबासीले चेतावनी दिएका छन् । अति प्रभावित क्षेत्र र जिल्लाबासीका लागि लागि ३ लाख ६८ हजार १ सय ४४ कित्ता प्राथामिक शेयर जारी गरेको थियो । आयोजनाले कुल शेयरको १० प्रतिशत रसुवाका बासिन्दालाई छुट्याउनु पर्ने भएकाले शेयरको लागि आवेदन माग गरेको थियो । गएको जेठ १७ गतेबाट जेठ ३१ गतेसम्म आवेदन माग गरिएकोमा रसुवाका ९५ प्रतिशतले शेयर भरेका थिए । नेकपा एमाले रसुवाका प्रचार विभाग प्रमुख पेम्बा लामाले रकम भरेकै आधारमा शेयरको बाँडफाँड गरेर प्राकृतिक स्रोत माथि जनताको समान उपभोग गर्न पाउने अधिकार माथि आक्रमण आरोप लगाएका छन । रसुवाका बासिन्दाका लागि ५० कित्तादेखि १ हजार ८ सय ४० कित्तासम्मका लागि आवेदन दिन सकिने व्यवस्था गरिएको थियो ।
प्रकाशित मिति: आइतबार, साउन १, २०७४
-1732776560.jpg)
