१ साउन, काठमाडौँ । सरकारले स्थानीय तहका नवनिर्वाचित जनप्रतिनिधिलाई मासिक तलबको व्यवस्था नगरेको स्पष्ट पारेको छ । संघीय मामिला तथा स्थानीय विकास मन्त्रालयका सचिव दिनेशकुमार थपलियाले आइतबार रिपोर्टर्स क्लबमा आयोजित पत्रकार सम्मेलनमा नवजनप्रतिनिधिलाई सरकारका तर्फबाट कुनै तलबको व्यवस्था नगरिएको स्पष्ट पारेका छन । “बाहिर हल्ला आएजस्तो नगरप्रमुख, उपप्रमुख, अध्यक्ष, उपाध्यक्ष र वडाअध्यक्षको सरकारले कुनै तलब तोकेको छैन”, उनले भने–“तलब दिने सुविधा कहीँ देखिएको छैन । तर जनप्रतिनिधिलाई बैठक भत्ताको भने व्यवस्था गरिएको छ ।” उनले स्थानीय स्रोतमार्फत कानुन बनाएर भने आफ्नो तलब आफैँ तोक्न पाउनुपन बताए । सचिव थपलियाले संविधानले स्थानीय तहलाई दिएको अधिकार आजैदेखि प्रत्यायोजित गरेपनि कानुन अभावका कारण सर्वसाधारणले सुविधा नपाउने बताए ।
प्रकाशित मिति: शनिबार, असार ३१, २०७४
-1732776560.jpg)
