काठमाडौँ । वाणिज्य, आपूर्ति तथा उपभोक्ता संरक्षण विभागले तेल उद्योगीलाई मङ्गलबारभित्र तेलको भाउ बढ्नुको कारण पेस गर्न निर्देशन दिएको छ ।
आइतबार विभागले राजधानीमा तेल उद्योगीसँग छलफल गर्दै उद्योगीलाई मङ्गलबारभित्र कारण पेस गर्न निर्देशन दिएको हो ।छलफलका क्रममा उद्योगीले सनफ्लावर र सोयाबिनको तेल कच्चा पदार्थका कारण महँगो भए पनि तोरीको भाउ नबढेको दाबी गरेको विभागले जनाएको छ ।
छलफलमा तेलको भाउ बढ्नुको कारणसहित मङ्गलबार कागजात पेस गर्न निर्देशन दिइएको र चित्तबुझ्दो जवाफ नआए कानुनअनुसार अगाडि बढ्ने विभागले जनाएको छ।छलफलमा तेल उत्पादनका मुख्य उद्योग शिवशक्ति, दुगड, गणपति, केडियाका प्रतिनिधिको सहभागिता रहेको थियो ।
प्रकाशित मिति: सोमबार, पुस २०, २०७७
