काठमाडौँ । आज तत्कालीन राजा वीरेन्द्रको ७६ औँ जन्मजयन्ती मनाइँदै छ । ललितपुरको जाउलाखेलमा रहेको वीरेन्द्रको शालिकमा माल्यार्पण गरी तत्कालीन राजा वीरेन्द्रको जन्मदिन मनाइँदै छ ।
२००२ साल पुस १४ गते जन्मिएका राजा वीरेन्द्रको २०५८ साल जेठ १९ गते नारायणहिटी हत्याकाण्डमा मृत्यु भएको थियो । उक्त हत्या काण्डमा राजपरिवारका नौ जना सदस्यको हत्या भएको थियो । २०२८ सालमा बाबु महेन्द्रको निधनपछि राजा बनेका वीरेन्द्रले नेपाललाई शान्ति क्षेत्र स्थापना गर्ने,जनमत संग्रह गराउने, दक्षिण एसियाली क्षोत्रीय संगठन सार्कको स्थापना पनि गरेका थिए ।
राजा वीरेन्द्रले २०४६ सालको जनआन्दोलनपछि प्रजातन्त्रको पुनर्वहाली गर्ने निर्णय गरेका थिए । त्यसपछि देशमा बहुदलीय व्यवस्था आएको थियो ।
प्रकाशित मिति: मंगलबार, पुस १४, २०७७
