काठमाडौँ - कृष्णबहादुर गिरी (सिद्धबाबा कृष्णदास) भनेर चिनिने प्रतिवादी भएको एक विवादास्पद फैसलाबिरुद्ध न्याय परिषद्मा उजुरी परेको छ ।
बलात्कार आरोपमा पुर्पक्षका लागि थुनामा रहेका सिद्धबाबाका पक्षमा सुनसरी जिल्ला अदालतका न्यायाधीश अर्जुन कोइरालाले फैसला गरेपछि उनी विवादमा तानिएका थिए ।
पीडित पक्ष मंसिर २४ गते नै उजुरीका लागि न्याय परिषद् पुगेका भएपनि प्रक्रिया पुर्याएर आजमात्रै उजुरी दर्ता भएको हो । गिरीमाथि अनुयायी महिलामाथि बलात्कार गरेको आरोप लागेको छ ।
गिरीमाथि अनुयायी महिलालाई २०७६ कात्तिक ४ गते आफ्नै आश्रममा बलात्कार गरेको आरोप लागेको थियो । प्रहरीले उनलाई पक्राउ गरेर मुद्दा चलाएको थियो ।
आरोपीले अपराध पनि स्वीकार गरेको तर अन्तिममा आएर सफाई पाएपछि पीडित महिला पुन उजुरी दर्ता गर्न पुगेकी हुन्। पीडित पक्ष मंसिर २४ गते नै उजुरीका लागि न्याय परिषद् पुगेका भएपनि प्रक्रिया पुर्याएर आजमात्रै उजुरी दर्ता भएको हो ।
प्रकाशित मिति: आइतबार, मंसिर २८, २०७७
