काठमाडौँ । कोरोना माहामारीका कारण ९ महिनादेखी रोकिएको नेपाल-भारत हवाई उडान नियमित गर्न बाटो खुलेको छ । उडान नियमित गर्ने बिषयमा दुवै देशबीच समझदारी भएको छ।
नेपाल सरकारले नेपालको एक र भारतको एक वायुसेवा कम्पनीलाई उडानको अनुमति दिने निर्णय गरी सहमतिका लागि भारत सरकारसँग गरेको प्रस्ताव भारतबाट स्वीकृत भएपछि उडान नियमितका लागि बाटो खुलेको हो ।
दूतावासका अनुसार नेपालबाट नपाल एयरलाइन्स र भारतबाट एयर इन्डियाले अब नियमित उडान गर्ने भएका छन् । यी एयरलाइन्सले कहिलेबाट उडान सुरु गर्ने भन्ने जिम्मा उनी स्वयम् एयरलाइन्सलाई दिइएको छ ।
नेपालसँग भारतले दसैंअगाडि नै एयर बबल उडान गर्ने प्रस्ताव पठाएको थियो। तर, उक्त समयमा नेपालले सहमति दिएको थिएन।
प्रकाशित मिति: बिहीबार, मंसिर २५, २०७७
