९ असार, काठमाडौँ । प्रदेश नम्बर २ बाहेकका निर्वाचन सम्पन्न भैसकेको र हुने स्थानीय तहमा यही असार २५ गते गाउँ र नगरसभामा बजेट पेश हुने भएको छ । संघीय मामिला तथा स्थानीय विकास मन्त्रालयले स्थानीय तहको योजना तथा बजेट तर्जुमा दिग्दर्शन २०७४ जारी गर्दै यही असार २५ गते गाउँ तथा नगरसभाको आयोजना गरी बजेट पेश हुने जनाएको छ । मन्त्रालयका प्रवक्ता रुद्रसिंह तमाङले स्थानीय जनप्रतिनिधिलाई योजना तथा बजेट तर्जूमा प्रक्रिया नै थाहा नभएको र कानुन पनि नभएकाले प्रक्रियालाई सजिलो र सरल बनाउन मन्त्रालयले दिग्दर्शन जारी बताए । सरकारले जेठ १५ गते घोषणा भएको बजेटबाटै स्थानीय सरकारहरुलाई बजेट पनि दिइएको छ । तर, स्थानीय तहमा बजेट बनाउने टुंगो अझैसम्म लागेको थिएन । मन्त्रालयले जारी गरेको दिग्दर्शनअनुसार यो वर्ष असार २५ गते गाउँ वा नगरसभामा बजेट पेश गर्नु पर्नेछ र ३० गते पास गर्नुपर्नेछ । आगामी आर्थिक वर्षदेखि भने असार १५ गते बजेट पेश गरेर ३० गते पास गर्नुपर्ने व्यवस्था गरिएको छ ।
मन्त्रालयले जारी गरेको दिग्दर्शन यहाँ हेर्न सक्नुहुन्छ।
प्रकाशित मिति: बिहीबार, असार ८, २०७४
-1732776560.jpg)
