९ असार, काठमाडौँ । भारतमा राष्ट्रपति पदको उम्मेदवारीका लागि विपक्षी दलले पूर्व सभामुख मीरा कुमारलाई चयन गरेको छ । युपीए अध्यक्ष सोनिया गान्धीले दिल्लीमा विपक्षीका नेताहरुको बैठकपछि मीरा कुमारको नाम घोषणा गरेकी थिइन् । लोकसभाकी पूर्व अध्यक्ष मीरा कुमार दलित हुन र उनका पिता जगजीवन राम देशका ठुला दलित नेता थिए । सत्तारुढ भारतीय जनता पार्टीले विहारका राज्यपाल रामनाथ कोविंदलाइ आफनो उम्मेदवार बनाएको छ । दलित नेता रामनाथ कोविंदलाई उम्मेदवार बनाएपछि युपीएमाथि कुनै दलितलाई प्रत्यासी बनाउनु पर्ने दबाव थियो । विपक्षीको एक महत्वपुर्ण दल जनता दल युनाइटेडले त्यहाँको राज्यपाल रहेका रामनाथ काविंदको उम्मेदवारीलाई समर्थन गरेको छ । रामनाथ कोविंद र मीरा कुमार दुबै दलित नेता हुन् । दुबैले उच्च शिक्षा हासिल गरेका ब्यक्ति हुन ।
प्रकाशित मिति: बिहीबार, असार ८, २०७४
-1732776560.jpg)
