८ असार, काठमाडौँ । अखिल नेपाल किसान महासङ्घको सहयोग र जनश्रमदानमा दक्षिणकाली नगरपालिकाको छैमलेमा नवनिर्मित आकाशे पानी जम्ने पोखरी हस्तान्तरण गरेको छ । नगरपालिका–८ का करिब ५० घरधुरीका लागि सिँचाइ र चौपायाका लागि पानी अभाव भएपछि दुई लाख ३८ हजारमा पोखरी निर्माण भएको हो । महासंघले त्यसका लागि एक लाख सहयोग गरेको थियो । महासंघका महासचिव बलराम बास्कोटाले बुधबार सो पोखरी सञ्चालन गराउँदै पानीको मूल सुकेका अन्य जिल्लामा पनि किसानका यस्ता आवश्यकता पूरा गर्न सहयोग गरिने बताए । भूकम्पका कारण त्यहाँको मूल सुकेपछि स्थानीय बासिन्दा दुई घन्टा पैदल हिँडेर भोर्ले खोलामा पुगेर पानी ल्याउने गरेकामा अब समस्या नहुने स्थानीयवासी शङ्करप्रसाद अधिकारीले बताए ।
तस्बीरः पत्रकार योशोदा अधिकारीको फेसबुकबाट ।
प्रकाशित मिति: बुधबार, असार ७, २०७४
-1732776560.jpg)
