७ असार, काठमाडौँ । राजश्व हिनामिना गरेको अभियोगमा अख्तियारले विशेष अदालतमा मद्दा दायर गरेपछि यातायात कार्यालय इटहरीका ८ कर्मचारी फरार भएका छन । फरार हुनेमा कार्यलयका तीन जना पूर्व प्रमुख समेत रहेका छन् । अख्तियार दुरुपयोग अनुसन्धान आयोगले राजश्व हिनामिना गरेको भन्दै विशेष अदालतमा आइतबार ६१ करोड बढीको भ्रष्टाचार मुद्दा दायर गरेका थियो । भ्रष्टाचार गरेको भन्दै मुद्धा दायर गरेको हो । अख्तियारले यातायात कार्यालय, इटहरीका पूर्व प्रमुख रमेशप्रसाद दाहाल विरुद्ध १२ करोड ३० लाख, उपसचिव विष्णुप्रसाद पौडेल विरुद्ध २३ करोड ७७ लाख र अर्का उपसचिव नयराज नेपाल विरुद्ध २५ करोड १३ लाख रुपैयाँ बिगो मागदावी गरेको छ । लेखा अधिकृत कुमारबहादुर कटुवाल विरुद्ध २ करोड १४ लाख र टीकाराम अधिकारी विरुद्ध ५७ करोड २५ लाख रुपैयाँ बिगो माग दावी गरेकोे छ । अख्तियारले लेखापालद्वय सुरेश अधिकारी विरुद्ध कुल बिगोको सबै हिस्सा अर्थात् ६१ करोड २१ लाख रुपैयाँ र देवराज नेपाल माथि ४५ करोड ६१ लाख र रुद्रप्रसाद दाहाल विरुद्ध २१ करोड ६३ लाख रुपैयाँ बिगो मागदावी गरेको छ । आयोगले मुद्दा दर्ता गरेपछि उनीहरु आठै जना फरार भएका छन ।
प्रकाशित मिति: मंगलबार, असार ६, २०७४
-1732776560.jpg)
