७ असार, काठमाडौँ । न्यायपरिषद्ले दोलखाको जुँगुमा कुलबहादुरको हत्यका अभियुक्तलाई साधारण तारेखमा छाड्ने जिल्ला अदालतको आदेश शंकास्पद देखिएको भन्दै छानविनका लागि मिसिल झिकाउने निर्णय गरेको छ । परिषद्को बुधबारको बैठकले छानविनका लागि मिसिल झिकाउने निर्णय गरेको हो । परिषद्ले मुद्दामा भएको आदेशमा उल्लेख गरिएका तथ्यहरुको छानविन गनुपर्ने आवश्यकता देखिएको जनाएको छ । पहिलो चरणको स्थानीय चुनावको तीन दिनअघि गौरीशंकर गाउँपालिका वडा नम्बर २ जुँगुस्थित रेशमडाँडामा माओवादी कार्यकर्ताको आक्रमणमा एमाले कार्यकर्ता कुलबहादुर तामाङको मृत्यु भएको थियो । कुलवहादुरको हत्यामा संलग्न रहेको भन्दै उनका पिता गोरे तामाङ सहित परिवारका सदस्यले माओवादी पोलिटव्यूरो सदस्य देवी खड्का लगायत ३९ जना विरुद्ध किटानी जाहेरी दिएका थिए । दोलखा जिल्ला अदालतका न्यायाधीश लालकाजी श्रेष्ठको इजलाशले जुँगु हत्यकाण्डका अभियुक्तहरुमध्ये थुनामा रहेका ११ जनालाई सामान्य तारेखमा रिहा गर्ने आदेश दिएका थिए ।
प्रकाशित मिति: मंगलबार, असार ६, २०७४
-1732776560.jpg)
