७ असार, काठमाडौँ । नेकपा (माओवादी केन्द्र) का केन्द्रीय सदस्य कृष्ण पोखरेलले पार्टी परित्याग गरी नेकपा (एमाले) मा प्रवेश गरेका छन । बुधवार बुटवलमा आयोजित एक कार्यक्रममा पोखरेललाई एमाले उपमहासचिव विष्णु पौडेलले पार्टी प्रवेश गराए । पोखरेल लामो समयदेखि माओवादीमा क्रियाशिल रहेका थिए ।े माओवादी वौद्धिक युवा नेताका रुपमा स्थापित पोखरेलले राष्ट्रियताको मुद्दामा एमालेले देखाएको भूमिकाबाट प्रभावित भएर आफू एमाले प्रवेश गरेको प्रतिक्रिया दिएका छन । नेता पोखरेलले माओवादी अझै पनि एउटा झुण्डको रुपमा मात्रै रहेको, पार्टी बनिनसकेको र त्यसलाई पार्टीका रुपमा स्थापित गर्ने कुरामा माओवादी नेताहरु उदासीन रहेकाले पनि आफूले उक्त पार्टी परित्याग गरेको बताए । पाँच नम्बर प्रदेश विभाजनका पक्षमा उभिनु पनि माओवादीको गम्भीर भूल रहेको चर्चा गर्दै नेता पोखरेलले पाँच नम्बर प्रदेश विभाजनका विरुद्ध एमालेको अभियानले आफूलाई सबैभन्दा बढी आकर्षित गरेको बताए ।
प्रकाशित मिति: मंगलबार, असार ६, २०७४
-1732776560.jpg)
