७ असार, खोटाङ । खोटाङमा नेकपा एमालेका उम्मेदवारको घरमा बम बिस्फोट भएको छ । जिल्लाको रुपाकोट मझुवागढी नगरपालिका–८ दोपाचिउरीडाँडाको वडाध्यक्षमा उम्मेदवार बनेका लिला चौहानको घरमा बम विस्फोट भएको प्रहरीले जनाएको छ । वडाध्यक्षका प्रत्याशी चौहानकी बुहारी शकुन्तला चौहान गम्भीर घाइते भएकी छन् । बिस्फोटमा परी उम्मेदवार चौहानका दाजु टेकबहादुर, बुहारी शकुन्तला र आठमहिने भतिज किस्मत घरकै अगाडि रहेको भान्छा कोठामा बसेर खाना खाइरहेको अवस्थामा गए राति बम अज्ञात समूहले विस्फोट गराएको थियो । शकुन्तलाको दुवै खुट्टा डढ्नुका साथै चोट लागेको प्रहरीले जनाएको छ ।
प्रकाशित मिति: मंगलबार, असार ६, २०७४
-1732776560.jpg)
