६ असार, काठमाडौँ । अमेरिकी नेतृत्वको गठबन्धन सेनाले सिरियाली सेनाको लडाकु विमान खसालेको भन्दै रुसले कडा शब्दमा चेतावनी दिएको छ । सिरियाली लडाकु विमानमाथि भएको हमलालाई रुसले आफ्नो विमानमाथि भएको हमलाका रुपमा लिएको टिप्पणी गर्दै जवाफी कारवाही गर्ने चेतावनी दिएको छ । अमेरिकी गठबन्धन सेनाका अनुसार उसले आइतबार रक्कामा अमेरिका समर्थित विद्रोहीमाथि आक्रमण गर्न परिचालित सिरियाली लडाकु विमान खसालेको छ । सिरियाको प्रमुख सहयोगी मुलुक रुसले सो घटनापछि हवाई दुर्घटना रोक्नका लागि अमेरिकासँग हुँदै आएको सूचना आदान प्रदान सम्झौतालाई निलम्बन गरिएको जनाएको छ । अमेरिकाले सिरियाली विमान खसाल्नु अघि यस्तो सम्झौता अनुसार सूचना आदान–प्रदान नगरेको रुसको आरोप छ ।
प्रकाशित मिति: सोमबार, असार ५, २०७४
-1732776560.jpg)
