५ असार, काठमाडौँ । संवैधानिक परिषद्को आजको बैठक प्रधानन्यायाधीशको नाम सिफारिस गर्न असफल भएको छ । प्रमुख विपक्षी दलका नेता केपी शर्मा ओलीले अध्ययनका लागि समय माग गरेपछि प्रधानन्यायाधीश सिफारिस हुन नसकेको हो । परिषद्को सोमबारको बैठकमा प्रधानमन्त्री शेरबहादुर देउवाले गोपाल पराजुलीलाई प्रधानन्यायाधीशमा नियुक्तिका लागि सिफारिस गर्न प्रस्ताव गरेका थिए । विपक्षी दलका नेता केपी शर्मा ओलीले अध्ययन गर्नुपर्ने समय माग गरेपछि कुनै निर्णय हुन सकेन । अब १५ गते बस्ने बैठकले यसबारेमा निर्णय लिनेछ । बैठकमा ओलीले पराजुलीको उमेरका साथै शैक्षिक प्रमाणपत्रबारे विवाद रहेकोले त्यसको निरुपण गरेर मात्र सिफारिस गर्नुपर्ने बताएका छन । न्याय परिषदले प्रधानन्यायाधीशका लागि पराजुलीसहित ६ जनाको नाम सिफारिस गरेको छ । जसमा पराजुली सबैभन्दा बरिष्ठ हुन् । तर, पराजुलीको नाममा सहमति जुटेन ।
प्रकाशित मिति: आइतबार, असार ४, २०७४
-1732776560.jpg)
