४ असार, चितवन । शनिबार रातिदेखि सुख्खा पहिरो खसेर अवरुद्ध भएको नारायणगढ–मुग्लिन सडकखण्ड खुलेको छ । शनिबार मध्यराति सडकखण्डको ईच्छाकामना गाउँपालिका वडा नम्बर ६ कालीखोलामा पहिरो खसेपछि सडक अबरुद्ध भएको थियो । रोकिएका काठमाडौं जाने र काठमाडौंबाट आउने सयौं गाडी अहिले गन्तव्य तर्फ लागेको जिल्ला प्रहरी कार्यालय चितवनले जनाएको छ । बिच बाटोमै गाडी रोकिएपछि हजारौं यात्रु अलपत्र परेका थिए । दुईवटा डोजर प्रयोग गरेर पहिरो पन्छाइएको प्रहरीले जनाएको छ ।
प्रकाशित मिति: शनिबार, असार ३, २०७४
-1732776560.jpg)
