४ असार, नुवाकोट । नेपाल पत्रकार महासंघ नुवाकोटको सातौँ साधारणसभा तथा छैटौँ जिल्ला अधिवेशनले कपिलदेव खनालको नेतृत्वमा नयाँ कार्यसमिति चयन गरेको छ ।
पटक पटक मिति तोकेर अवरुद्ध हुँदै आएको शाखाको शनिबार भएको मतदानमा खनाल ६८ र उनका निकटतम प्रतिद्वन्द्वी प्रकाश अधिकारीले ५७ मत प्राप्त गरे ।
अाइतबार बिहान सार्वजनिक मतपरिणाम अनुसार उपाध्यक्षमा रामहरि न्यौपाने र रुपा अर्याल, सचिवमा जगदीश खनाल, सहसचिवमा नवराज सुवेदी र जमुना गजुरेल तथा कोषाध्यक्षमा सुनिल विष्ट निर्वाचत भएका छन । निर्वाचनबाट केद्रीय प्रतिनिधि र प्रदेश प्रतिनिधि पनि छनोट गरिएको छ । स्थापनाकालदेखि प्रेस युनियनको कब्जामा रहदैँ आएको महासंघको बिरासत भत्काउन बाम प्रगतिशिल गठबन्धन सफल देखिएको छ ।
नुवाकोटमा प्रेस सेन्टरका विद्रोहीहरु र प्रेस युनियनको गठबन्धन तथा प्रेस चौतारी, प्रेस सेन्टर र प्रेस सोसाइटीको एउटा गठबन्धन थियो । अध्यक्षमा विजयी खनाल प्रेस सोसाइटी नुवाकोटका अध्यक्ष हुन । जिल्लामा चौँथो हैसियतामा रहेको संगठन प्रेस सोसाइटीलाई अध्यक्ष दिएर प्रेस चौतारी र प्रेस सेन्टरले कांग्रेसी पत्रकारहरुको दबदबा अन्त्य गराएका छन, मतपरिणाम पछि चाैतारीका जिल्ला अध्यक्ष भाेलाराज पाैडेलले भने ।
यद्यपी प्रेस चौतारीबाट उपाध्यक्ष र कोषाध्यक्षका उम्मेदवार बनेका नवदीप अजनवी र श्रीराम अधिकारी गठबन्धन भित्रको अन्तरघातले पराजित हुन पुगेका छन । उपाध्यक्ष र सचिवमा प्रेस सेन्टरका विद्रोही उम्मेदवारहरु रामहरि न्यौपाने र जगदिश खनाल विजयी भएका छन ।
न्यौपानेले चौतारीका जिल्ला उपाध्यक्ष समेत रहेका अजनवीलाई पराजित गरे भने खनालले प्रेस सेन्टर नुवोकाटका अध्यक्ष रामहरि गजुरेललाई पराजित गरेका छन ।
त्यस्तै कोषाध्यक्षमा चौतारीका अधिकारीलाई पराजित गर्दै युनियनका सुनिल विष्ट पराजित विजयी भएका छन । केन्द्रीय पार्षदमा प्रेस युनियनका ६, चौतारी र सेन्टरा ४/४ जना विजयी भएका छन ।केन्द्रीय पार्षदमा शरणउत्सुक सापकोटा, देवचेन्द्र भट्ट, भोलाराज पौडेल विष्णु तारुके, दयानिधी भट्ट, बद्री प्याकुरेल, बसुराम रिजाल, श्रीराम नेपाल, ध्रुब रावल, राजुमित्र खनाल, राम श्रेष्ठ, संगिता पनेरु, गीता अधिकारी र सन्तोषी अधिकारी निर्वाचित भएका छन । प्रदेश पार्षद निर्विरोध भएको छ । अधिवेशनकाे उद्घाटन र बन्दसत्र दुबै नभएकाे पत्रकारहरूले जनाएका छन ।
कार्यसमितिका उम्मेदवारहरूले प्राप्त गरेको मतपरिणाम ।
प्रकाशित मिति: शनिबार, असार ३, २०७४
-1732776560.jpg)
