१ असार, काठमाडौँ । सरकारले असार १४ का लागि तोकिएको निर्वाचन सार्ने निर्णय गरेपछि सामाजिक सञ्जालमा तीव्र असन्तुष्टि पोखिएको छ । सामाजिक सजालमा सबैजसोले सरकारको निर्णयको बिरोधमा आफ्ना धारणा सार्वजनिक गरेका छन । बिहीबार सत्तारुढ दलहरुले आन्दोलनरत राजपासँग सहमति गरेपछि सरकारले असार १४ का लागि तोकिएको निर्वाचन प्रदेश नम्बर २ मा असोज २ गते गर्ने निर्णय गरेको थियो । सरकारको निर्णयको सर्वत्र आलोचना र बिरोध भएको छ । हामीले सामाजिक सञ्जालमा व्यक्त नौ वटा प्रतिक्रियालाई यहाँ उल्लेख गरेका छौँ ।
पूर्व प्रमुख निर्वाचन आयुक्त निलकण्ठ उप्रेती लेख्छन, ‘स्थानीय निर्वाचन टुक्राटुक्रा पारेर गर्ने मनसुवा राख्दा सरकारले माघ ७ गते अगाडि सम्पन्न गर्नुपर्ने सबै निर्वाचनहरुको विषय नै भुलेजस्तो छ ।’
नेकपा एमालेका प्रचार विभाग प्रमुख योगेश भट्टराई लेख्छन, ‘प्रम शेरबहादुरले कलंकित इतिहास बदलेनन् बरु दोहोर्याए । अब उनको गलामा अक्षमको अर्को एक तक्मा थपिने भयो । लोकतन्त्र र शेरबादुरसँगै जान सक्दैनन कि के हो ?’
भ्रष्टाचार विरुद्धका अभियन्ता तथा गोगो फाउण्डेशनका अध्यक्ष केदार खड्का लेख्छन, ‘अब देउवा सरकारले असोज २ गतेमात्रै प्रदेश २ मा निर्वाचन गर्ने रे ! हैन जे जे भन्छन आदेश मान्न ‘अभिशप्त’ हुनुपर्ने कस्तो लोकतन्त्र हो यो ?’
थाहाखबर डटकमका प्रधानसम्पादक तीर्थ कोइराला लेख्छन, ‘दुई नम्बर प्रदेश बाहेक अरु प्रदेशमा राजपाले भाग नलिने रहेछ ?’
नागरिक दैनिकका सम्पादक गुणराज लुईटेल आफ्नो ट्वीटरमा लेख्छन, ‘प्रदेश २ को निर्वाचन टारेर सरकारले मुलुकलाई थप संकटतर्फ धकेलेको छ । सत्ता लम्बियो समस्या झनै लम्बियो ।’
नेकपा एमालेका सांसद गंगालला तुलाधर लेख्छन, ‘हेदैँ जाऔँ ! २ नम्बर प्रदेशको निर्वाचन अर्को मितिमा पनि हुन दिने छैनन् ।’
वीरगञ्जका पत्रकार महेश दास लेख्छन, ‘प्रदेश नं. २ लाई जनप्रतिनिधि चुन्न नदिएकोमा आन्दोलनरत पार्टी र सम्माननीय प्रधानमन्त्री शेरहादुर देउवालाई बधाइ ।’
उज्यालो ९० नेटवर्कमा कर्यरत मिलन तिमल्सिना लेख्छन, ‘चुनाव होइन दुई नम्बका नागरिकलाई काखाबाट खापा सार्न खोज्यो सरकारले, चुनाज सारौँ भन्नेहरुलाई पो सारेर पारी पुर्याउन पथ्र्यो त ।’
इमेज टेलिभिजनका समाचार सम्पादक डिल्ली बसेल लेख्छन, ‘प्रदेश २ मा चुनाव नगर्ने निर्णय अतिवादसँगको आत्मसमर्पण हो । आफ्नो सजिलोका लागि शेरबहादुर देउवाले २ नम्बरलाई नेपाली कश्मीर बनाउने अक्षम्य गल्ती गरेका छन ।’
प्रकाशित मिति: बुधबार, जेठ ३१, २०७४
-1732776560.jpg)
