३० जेठ, काठमाडौँ । न्यायपरिषद्ले प्रधानन्यायाधीशको लागि ६ जना न्यायाधीशहरुको नाम संवैधानिक परिषद्मा पठाएको छ । मंगलबार बसेको परिषद् बैठकले सर्वोच्च अदालतका कायम मुकायम प्रधानन्यायाधीश गोपाल पराजुली सहितका न्यायाधीशको नाम सिफारिस गरिएको हो । योग्यता पुगेका ६ जना न्यायाधीशको नाम संवैधानिक परिषद्मा पठाइएको छ । कायममुकायम प्रधानन्यायाधीश गोपाल पराजुलीको नाम एक नम्बरमा उल्लेख गरिएको छ । अब पराजुली प्रधानन्यायाधीश हुँदा ११ महिना कार्यकाल रहने विषयपनि न्यायपरिषद्ले खुलाएको छ । न्यायपरिषद्ले पराजुलीको उमेरका सम्बन्धमा निस्किएको विवादलाई समाधान गर्दै शैक्षिक प्रमाणपत्रहरुमा भएको जन्म मिति नै कायम गरेको छ । बरिष्ठ न्यायाधीशलाई प्रधानन्यायाधीश बनाउने प्रचलन अनुसार पराजुली सर्वोच्चको प्रधानन्यायाधीश हुने निश्चितप्राय छ ।
प्रकाशित मिति: सोमबार, जेठ २९, २०७४
-1732776560.jpg)
